Banner

غزل

04.03.2016 22:18

ما هم صفا کړه د يو چا له ياده خپله خونه

ما په دېوال باندې راټال عکسونه وسوځول

نورې لمنې  ورته مه وهئ ساده پښتنو

په پردي اور کې  مو دا خپل کورونه وسوځول

پتنګه  ما وتا د شمعې په ديد څه  جوړ کړلو

 اخر مو هم پکې دا خپل وزرونه وسوځول

باران د وصل يې  زما تنده راماته نه کړه

لمبو د هجر يې  زما هډونه وسوځول

ذاکره !  تا چي يې د حسن په کې ذکر کړی

هغې ناترسې هغه ستا غزلونه  وسوځول

                                                                                                                                                       ذاکرزيارتوال

 


ستاسو تبصره


لطفاً لاندې افغانستان په انګليسي تورو وليکئ.